Kristniboð er hjálparstarf og boðun kristinar trúar til annara þjóða. Kristniboðar vinna að boðun samhliða alhliða fræðslu, hjúkrun, heilsuvernd og margs konar þróunarverkefnum svo sem umbótum í landbúnaði, verndun vatnsbóla og fleiru. Á tímum hungursneyðar taka þeir þátt í víðtæku hjálparstarfi og matvæladreifingu.

Jesús lagði áherslu á það við lærisveina sína að þeir útbreiddu trúna. Hann sagði: „Farið og gjörið allar þjóðir að lærisveinum“. Víða í Biblíunni er tekið fram að allar þjóðir eigi rétt á að heyra um Guð. Það er hlutverk lærisveina Krists, einnig nú á dögum, að flytja boðskap Biblíunnar „til enda veraldar“.

Hverjir eru kristniboðar ?
Kristniboðar eru þeir sem starfa meðal framandi þjóða að boðunar- og líknarstarfi. Kristniboðar eru kennarar, læknar, hjúkrunarfræðingar, guðfræðingar o.s.frv. Áður en þeir halda til starfa læra þeir tungumál viðkomandi þjóðar eða þjóðarbrots. Einnig fræðast þeir um siði og menningu fólksins.