Samband íslenskra kristniboðsfélaga framleiðir töluvert magn af kynningarefni; fréttabréf, almanök, barnaefni, myndaseríur og margt fleira.

Glæru sýningar

Í valmyndinni hér til vinstri er hægt að velja PowerPoint seríur. Þar undir getur þú hlaðið niður PowerPoint sýningum um Kristniboðsambandið. 

Kristniboðsalmanakið

Samband íslenskra kristniboðsfélaga gefur almanakið út til fjáröflunar og kynningar á starfi sínu. Því er dreift ókeypis en hverju eintaki fylgja upplýsingaseðlar sem nota má til að koma á framfæri gjöfum til kristniboðsins. Hvert einstakt framlag skiptir miklu máli. Innilegar þakkir til ykkar sem veitið starfinu lið á þennan hátt. Almanakið í ár gefur innsýn í fjölbreytt starf SÍK og sendiboða þess víða um heim.

Barnablað SÍK

Á eins eða tveggja ára fresti gefur SÍK út barnablað sem notað er til kynningar í barnastarfi KFUM og KFUK, Þjóðkirkjunnar og víðar. Blaðið gefur börnunum innsýn í líf og menningu jafnaldra þeirra í Afríku og hvetur þau til að vera meðvituð um ábyrgð okkar gagnvart þeim. Blaðinu er dreift ókeypis en undanfarið hefur Kærleiksþjónustusvið Þjóðkirkjunnar stutt útgáfu þess.