Framkvæmdastjóri SÍK hélt til Keníu i liðinni viku og hefur undanfarna daga setið ársfund norrænu kristniboðanna í Austur-Afríku. Á fundinum, sem haldinn var í Nairobi, var starfið í heild sinni rætt og horft til framtíðar. Þar fyrir utan voru biblíulestrar og samverur ýmiss konar fyrir börn og fullorðna. 

Á morgun, þriðjudag, liggur leiðin til Pókot ásamt þeim Fanneyju, Fjölni, strákunum þeirra og sjálfboðaliðanum Kristínu Ingu. Ætlunin er að heimsækja Kara-Pókot, funda með forystusveit kirkjunnar og heimsækja gamla vini í Pókothéraði. Á mánudag liggur svo leiðin aftur til Nairobi og þaðan beint til Eþíópíu. Þar á að hitta íslensku kristniboðana, heimsækja skrifstofur kirkjunnar og ræða við norska samstarfsaðila. Ferðinni lýkur með heimkomu 27. mars en vonandi hægt að koma með nánari fréttir eftir því sem fram vindur.