Sunnudagsmogginn, sem út kom í gær, birtir umfangsmikið viðtal við kristniboðana Helgu Vilborgu Sigurjónsdóttur og Kristján Þór Sverrisson og nær það yfir tvær opnur blaðsins. Viðtalið er sreytt myndum sem Árni Torfason ljósmyndari tók á ferð sinni til landsins í fyrra þar sem hann dvaldi m.a. í Voító, á starfssvæði Helgu Vilborgar og Kristjáns. Árni ljósmyndari var einnig á ferð í Jinka og fyrr í vetur birtist í Sunnudagsmogganum viðtal við kristniboðslæknana og feðgana Jóhannes Ólafsson og Sverri Jóhannesson.

Höfundur texta viðtalsins við kristniboðana í Voító er Skapti Hallgrímsson og ber yfirskriftina: „Losna undan djöflinum sem öllu ræður.“ Þar segja hjónin frá köllun sinni til starfa, undirbúningi og hvernig var að flytja til þessa afskekkta dals í steikjandi hita. Viðtalið er afar skemmtilegt, fróðlegt og hvetjandi.