Samstarfsverkefni Kristniboðssambandsins og Póstsins um söfnun á notuðum frímerkjum er nú lokið. Heiti verkefnis var: Hendum ekki verðmætum! Söfnunin stóð til 31. janúar 2010 og var tekið við frímerkjum og umslögum á öllum póstafgreiðslum Póstsins um land allt.

Áætlað verðmæti þess sem safnaðist í átakinu er um 1,2 milljón krónur en á sama tíma í fyrra safnaðist efni fyrir um 300.000 kr. Kristniboðssambandið vill gjarnan þakka öllum sem gáfu frímerki til þróunarstarfs á sviði menntunar barna, unglinga og fullorðinna í Eþíópíu og Keníu. Frímerkjum er áfram veitt móttaka allan ársins hring á skrifstofu SÍK, Grensásvegi 7, 2. hæð og í Litla húsinu, Glerárgötu 1, Akureyri.