Kristniboðarnir Kjellrun Langdal og Skúli Svavarsson halda til Keníu í byrjun september og munu dvelja þar við fræðslu, ráðgjöf og eftirfylgd verkefna í Pókothéraði í rúma tvo mánuði. Skúli mun kenna á námskeiði fyrir starfsfólk kirkjunnar sem haldið er í september og fram í október á fræðslumiðstöð kirkjunnar í Kapenguria.

Þau hjónin hafa um tveggja áratuga reynslu af lífi og starfi sem kristniboðar í Eþíópíu og Keníu. Það er mikill styrkur fyrir heimamenn að fá þau til aðstoðar þennan tíma.