Um næstu áramót, nánar tiltekið 28. desember til 2. janúar, munu þúsundir ungmenna á aldrinum 16 til 30 ára koma saman á samkirkjulegt kristniboðsmót, Mission-net í Þýskalandi.

Vonir standa til að hópur fólks fari einnig héðan en þessi mót hafa verið haldin annað hvert ár undanfarið og voru áður haldin í Hollandi undir heitinu Mission.  Aðstandendur mótsins eru European Evangelical Alliance og European Evangelical Missionary Alliance. Nánar má fræðast um mótið með því að slá á tengilinn hér á síðunni eða með því að hafa samband við skrifstofu Kristniboðssambandsins.