Hjónin og kristniboðarnir Ragnar Gunnarsson og Sigríður Hrönn Sigurðardóttir hafa undanfarnar vikur kennt á námskeiði fyrir prédikara í Lúthersku kirkjunni í Pókot í Keníu. Allir sinna þeir starfi sínu sem sjálfboðaliðar. Forsendur þeirra og bakgrunnur er misjafn. Sumir koma úr næsta nágrenni aðrir mörg hundruð kílómetra leið. Þeir eiga þó eitt sameiginlegt: Áhugann á náminu. Hann endurspeglast m.a. í spurningum um boðskap Biblíunnar, kirkjuskipulagið, starfið  almennt, trúarlífið, gildi bænarinnar og fleira.