Lútherska kirkjan í Keníu hefur með aðstoð frá Íslandi og Noregi reist um 70 grunnskóla í héraðinu. Nú er brýn þörf á að reisa framhaldsskóla og höfum við tekið að okkur að byggja fjóra þeirra eftir því sem efni og aðstæður leyfa. Tveir þeirra eru á slóðum kristniboðanna, þ.e. í Propoi, en þar bjuggu kristniboðarnir í Chepareria á árum áður og þar er stór grunnskóli fyrir – og í Kongelai en sá skóli heitir Riwo. Brýnast er að koma upp skólastofum, heimavistum og mötuneyti, þ.e. matsal og eldhúsi. ÞSSÍ hefur styrkt þetta verkefni um 60% á liðnum árum, hin 40% eru framlög SÍK og heimamanna. Kostnaður við byggingu kennslustofu er 2-3 milljónir króna eftir stærð.