Kristniboðsflokkur KFUK, sem nú er rúmlega 70 ára, heldur árlega fjáröflunarsamkomu í Kristniboðssalnum, Háaleitisbraut 58-60, miðvikudaginn 16. maí kl. 20. Á dagskrá er tónlist og söngur í umsjá Sálmavinafélagsins, hugleiðing sem Halldóra Lára Ásgeirsdóttir flytur og happdrætti. Að lokinni samkomu selja konurnar kökur og tertur sem þær baka af þessu tilefni - en allar eru þær með áratugareynslu á því sviði - og selja til fjáröflunar fyrir starfið en allt sem inn rennur fer til kristniboðsins. Allir eru hjartanlega velkomnir.

Katsuko og Leifur Sigurðsson kristniboði senda kveðju frá Fukuyama í Japan. Þau fluttu fyrir nokkrum vikum og Leifur hefur tekið þar við starfi prests í söfnuði lúthersku kirkjunnar í borginni. Starfið er krefjandi bæði vegna tungumálsins sem er mjög erfitt og venjur og siðir frábrugðin því sem Leifur á að venjast fra Íslandi og Keníu.

Þau biðja um fyrirbæn fyrir börnunum sínum að þau aðlagist nýjum aðstæðum fljótt og vel, fyrir samverkafólki þeirra og söfnuðinum í Fukuyama, einkum einum samverkamanni sem reynist erfiður í samstarfi. Eins biðja þau um betri lausn í húsnæðismálum en mjög hljóðbært er milli íbúðar og safnaðarsalarins í kirkjunni þar sem þau búa. 

Biðum þess að þau verði til blessunar og hvatningar.

Kristniboðssambandið er styrktaraðili norska útvarpskristniboðsins Norea. „Konur vonarinnar" er vikulegur þáttur sem sendur er út á 60 tungumálum. Hann er sniðinn að þörfum kvenna, boðar fagnaðarerindið, veitir andlega leiðsögn og tekur fyrir ýmis mál sem tengjast heilsu og barnauppeldi. Fjöldi kvenna í heiminum stríðir við fátækt og á í daglegri baráttu við að sjá sér og börnum sínum farborða. Konur eru 2/3 af þeim sem eru ólæsir í heiminum. Árlega eru milljónir kvenna neyddar í kynlífsþrælkun og árlega eiga þrjár milljónir á hættu að verða umskornar. Fjórða hver kona býr við ofbeldi á heimili sínu og oft er litið á þær sem annars flokks. Hér er saga einnar þessara kvenna.

Ég heiti Mara

Þetta er sagan mín

Ég var þrettán ára afrísk mömmustelpa. Ég lék mér við bræður mína og hafði dálæti af að sitja hjá mömmu og hlusta á sögurnar hennar. Lífið var gott. En á einni nóttu breyttist allt...

Kristniboðssambandið leitar að kennara til að sinna kennslu kristniboðabarna næsta árið eða næstu tvö árin, ef með þarf. Við óskum eftir einstaklingi sem játar persónulega kristna trú, er virkur í kristilegu starfi, hefur áhuga á hugsjón og markmiðum Kristniboðssambandsins, getur samsamað sig þeim og treystir sér til að boða og lifa í samræmi við áherslur sambandsins og samstarfskirkna þess.

Nánari upplýsingar um kaup og kjör, tilhögun og annað slíkt má fá hjá framkvæmdastjóra Kristniboðssambandsins, Ragnari Gunnarssyni í síma 533 4900 eða með pósti á Þetta netfang er varið fyrir ruslrafpóstabottum, þú þarft að kveikja á JavaScript til að sjá það .